Feeds:
Artigos
Comentarios

Estamos Perdidos

Hoxe, aínda non sei moi ben por que, decidín dexiar de lado o nome de “Vitor de Palas” nas redes sociais (Tuenti e Facebook), para pasar a poñer o nome real e completo. Unha vez feito isto dixen: “Vou cambiar tamén na conta de Google”. E fíxeno, pero seguín mirando a páxina do perfil, para ver que opcións me daban para completar e atopeime con isto:

Tanto marcou Lost esta xeración como para que apareza un easter egg do tipo de: “Algo que no encuentro con Google” “Oceanic 815”? Claro, que tamén que che deixen un recadro para completar con “Mi superpoder” poderíase considerar digno de mención.

Por certo, o que non atopo con Google é un contrato de traballo desa empresa a nome de Vítor V. V. 😀

Versións

Non podo evitar colgalas, pero tampouco sei que contar delas:

Bruce Springsteen & E Street Band – London Calling (The Clash)

Dropkick Murphys – Baba O’Riley (The Who)

Estes últimos estarán no BBK Live 2010 😀 xunto con Rammstein, Slayer, Pearl Jam… entre outros 😀

El androide libre

El androide libre fai un sorteo dun Nexus One, si, ese mobil tan de moda últimamente. Pois se queredes participar, basta con que fagades unha entrada similar a esta e que a publiquedes no voso blogue, e que lles comentedes na entrada do sorteo.

Bueno  rapaces, sorte a todo, pero máis para min 😀

38/100 para ver antes de morrer

Faltan películas anteriores ao 90, e faltan varias desta época que marcaría.

•    Goodfellas (1990)
•    Misery (1990)
•    Beauty and the Beast (1991)
•    The Silence of the Lambs (1991)
•    Terminator 2: Judgment Day (1991)
•    Thelma and Louise (1991)
•    Hard Boiled (1992)
•    Malcolm X (1992)
•    The Player (1992)
•    Raise the Red Lantern (1992)
•    Supercop (1992)
•    Unforgiven (1992)
•    Dazed and Confused (1993)
•    Groundhog Day (1993)
•    Schindler’s List (1993)
•    Chungking Express (1994)
•    Ed Wood (1994)
•    Forrest Gump (1994)
•    Pulp Fiction (1994)
•    Red (1994)
•    Babe (1995) <== por esto perde credibilidade a lista
•    Before Sunrise (1995)
•    Clueless (1995)
•    Heat (1995)
•    Living in Oblivion (1995)
•    Sense and Sensibility (!995)
•    Toy Story (1995)
•    The Usual Suspects (1995)
•    Big Night (1996)
•    Dead Man (1996)
•    Fargo (1996)
•    Ghost in the Shell (1996)
•    Lone Star (1996)
•    Scream (1996)
•    Secrets and Lies (1996)
•    Sling Blade (1996)
•    Swingers (1996)
•    Trainspotting (1996)
•    Boogie Nights (1997)
•    Eve’s Bayou (1997)
•    L.A. Confidential (1997)
•    The Sweet Hereafter (1997)
•    Titanic (1997)
•    The Big Lebowski (1998)
•    Fireworks (1998)
•    Out of Sight (1998)
•    Saving Private Ryan (1998)
•    There’s Something About Mary (1998) <== sin comentarios….
•    All About My Mother (1999)
•    American Beauty (1999)
•    Being John Malkovich (1999)
•    Election (1999)
•    Fight Club (1999)
•    The Matrix (1999)
•    Princess Mononoke (1999)
•    Run Lola Run (1999)
•    The Sixth Sense (1999)
•    Three Kings (1999)
•    Almost Famous (2000)
•    Best in Show (2000)
•    Crouching Tiger, Hidden Dragon (2000)
•    Yi Yi (2000)
•    Amelie (2001)
•    Donnie Darko (2001)
•    In the Mood for Love (2001)
•    The Lord of the Rings (2001)
•    Memento (2001)
•    Mulholland Drive (2001)
•    The Royal Tenenbaums (2001)
•    The Pianist (2002)
•    Y Tu Mama También (2002)
•    City of God (2003) <== A que máis me gustou da lista
•    Elephant (2003)
•    Finding Nemo (2003)
•    Anchorman: The Legend of Ron Burgundy (2004)
•    Eternal Sunshine of the Spotless Mind (2004)
•    Shaun of the Dead (2004)
•    Sideways (2004)
•    The 40 Year Old Virgin (2005)
•    Brokeback Mountain (2005)
•    A History of Violence (2005)
•    Oldboy (2005)
•    Borat (2006)
•    Children of Men (2006)
•    The Lives of Others (2006)
•    Pan’s Labyrinth (2006)
•    4 Months, 3 Weeks, and 2 Days (2007)
•    The Bourne Ultimatum (2007)
•    The Diving Bell and the Butterfly (2007)
•    Michael Clayton (2007)
•    No Country for Old Men (2007)
•    There Will Be Blood (2007)
•    The Dark Knight (2008)
•    Slumdog Millionaire (2008)
•    Wall-E (2008)
•    Avatar (2009)
•    The Hurt Locker (2009)
•    Inglourious Basterds (2009)

Así a bote pronto faltan: El caso Bourne (se meten o Ultimátum….), Cadena perpetua (se é a primeira da lista de imdb…), Infiltrados, Eduardo manostijeras, Sin City, León – El profesional…. Calquera delas gustoume máis que o 50% das marcadas na lista. E outras moitas non as vexo porque simplemente non me chaman.

Vía non era preciso….

Pintando

Unha das múltiples queixas de Ubuntu polos usuarios de escritorio é a falta dun MSPaint ou similar que permitise facer operacións de recorte ou redimensionado de imaxes ca mesma facilidade. Pois atopei un sustituto á altura, estou a falar do KolourPaint, que funciona en KDE, Gnome e Xface. Este programa ten as mesmas funcións que o Paint de Microsoft ca mesma sinxeleza, pero ademáis implementa outras como son a posibilidade de deixar fondos transparentes, máis posibilidades para a redimensión ou recorte de imaxes ou a posibilidade de modificar brillo, contraste ou saturación.

KolourPaint no escritorio de VitorPalas

Se queredes instalalo basta con que o busquedes no “Centro de Software Ubuntu” (o anterior “Agregar e quitar“), que o descarguedes na páxina oficial, ou que tecleedes na terminal:

sudo apt-get install kolourpaint

Se tamén queredes un sustituto do Bloc de Notas, probade o Gedit, que xa ven preinstalado en gnome, está en “Aplicacións/Accesorios” e chámase “Editor de textos Gedit”. Para KDE teredes que usar o Kate. Tamén máis completos que o de MS.

No Skins, no party.

Cada vez que me enfronto a unha serie nova aparece ese dilema: véxoa en V.O.S. ou dobrada? A versión orixinal subtitulada permíteme percibir mellor a esencia da serie, e a versión dobrada fai que a serie me pareza máis dinámica xa que a atención que precisa é menor. E como contras, cómpre dicir que moitas veces os subtítulos están francamente mal feitos (erros ortográficos, de sintaxe e demáis) e as dobraxes moitas veces non son fieis ao orixinal.

Unha das series que estou seguindo é unha producción británica, Skins. A serie é un drama altamente recomendable que trata a vida dunha pandilla de adolescentes no seu paso polo insituto, esa época de festas, alcohol, excesos e drogas. Levan catro temporadas e dúas xeracións (unha xeración da para dúas temporadas) onde, por norma xeral, lle dedican un capítulo a cada membro da pandilla.

Unha das mellores bazas da serie é a música, de feito na páxina ofixial teñen unha lista das cancións que soan nos capítulos, e hai listas de reprodución para o Spotify (grazas polos enlaces Luís). Pois o capítulo 3×02 comeza con Cook vestíndose mentres soa unha canción -tranquilos, non hai spoilers-: (os videos teñen a inserción desactivada, podedes clickar nos enlaces de abaixo para velos en YouTube)

[Cook, The Ace of Spades Skins 3×02]

A canción é Motörhead – The ace of Spades, como se pode observar Cook cántaa, tararéaa e fai air guitar, pero… que acontece na versión dobrada? Vexamos -deixade de vela onde remata o primeiro video-:

[Skins Español 3×02 1/6]

Cambian a canción, e a voz de Cook non está sincronizada cos movementos da boca nin nada, vergonzoso! A partir de agora xa me decidín, vou ver todas as series e películas que poida en V.O.S. A poder ser cuns subtítulos decentes, que moitas veces nin os oficiais me convencen….

Recoméndovos a serie, xa sabedes: No skins, no party!

Enlaces de descarga en: skinsblog.es.

Un dos dez magníficos

Un pequeno resumo da vida cinematográfica de Quentin Tarantino, quen xa de rapaz traballou como acomodador nunha sala de Cine X, para rematar traballando nun videoclub. Estes traballos empregounos para adquirir grandes coñecementos de cine, do comic e da música, esa gran aliada nas súas películas. Esta paixón pola música deixase ver nun dos mellores momentos de Pulp Fiction, cando Vincent Vega chega á casa de Mia, e esta acende a radio mentres sona “Girl, You’ll Be a Woman Soon“, ou mr. Blonde (Vic Vega) co seu Stuck in the Middle (tamén parodiada polos Simpson: Reservoir Cats).

Tamén foi parodiado no Celibrities de Muchachada Nui, e o seu “Robert Rodriguez y yo somos hermanos de ojete” 😀

Este resumo pertence á serie “Los 10 magníficos”, onde fala dos que a serie considera os 10 directores máis relevantes: lista de reproducción en Youtube.

Cheguei a través do facebook de Carlinhos, quen tiña enlazado o video dos Coen. “Que me cuentin Tarantino?”

E como bonus, unha curta de Tim Barton (outro dos 10): Vincent 🙂

Orixes

Hoxe recibín unha presentación a favor do uso do galego na que daban a entender que Vázquez era un apelido galego, e a curisidade e a dúbida levaronme a preguntarlle a LuZiNhA se iso era certo, aquí queda o que me contestou:

Vázquez rexístrase en textos galegos desde o s. XIV (en textos notariais, polo que é o apelido de persoas reais, non de personaxes literarias nin nada polo estilo). Ademais é un apelido moi frecuente en textos medievais.

Por outra parte, o s. XIV é unha data tardía no que á cronoloxía medieval se refire, si, pero hai que ter en conta que Vázquez é un patronímico, é dicir, significa fillo de Vasco, e Vasco xa se rexistra desde o s. XIII. Agora ben, o étimo de Vasco parece ser (gens) vasconu(m), a denominación que os romanos lles deron aos poboadores de Euskadi (probablemente baseada noutra máis antiga), que daría lugar a unha forma vascón e, posteriormente, a vasco. Con todo, aínda que se trate do xentilicio de Euskadi, isto non lle quita galeguidade ao apelido, xa que non deixa de ter unha historia moi longa no territorio galego.

En canto ao paso de Vasques a Vázquez, no que se refire á terminación -ez é simplemente a desaparición do seseo, totalmente regular. O caso de Vas- parece diferente, xa que o étimo vasconu(m) non xustifica a aparición da interdental (do z, para entendérmonos), polo que seguramente se trate dunha hipercorrección a partir da desaparición do seseo, igual cá que se dá no apelido Reices, que é unha das formas de realizar o plural de rei e tería que ser regularmente Reises, con ou sen seseo.

Vamos, que non hai que dubidar da galeguidade de Vázquez, que aínda que reflicta un remoto pasado vasco leva aquí xa moito tempo…

Graciñas Luz 😀

Referencias culturais (I)

Levo un par de semanas escoitando dúas das bandas de Punk máis representativas dos anos 70: Sex Pistols e The clash. Hoxe lendo a historia de amor entre Sid Vicious e Nancy Spungen entereime de que lles facían unha referencia nos Simpson (capítulo 19×12).

O capítulo é un especial de san valentín, onde contan tres historias “versionadas” por eles, na primeira contan a de Bonnie e Clyde, na segunda a da Dama e o Vagabundo e na terceira a de Sid Vicious e Nancy Sopungen. O caso é que se xa na terceira historia fan referencia ao Punk dos 70, foi unha escena da primeira historia a que me fixo escribir este post:

A “Tommy’s Guns” é a armería que está a atracar Homer, cuxo nome casualmente case coincide co título dunha canción dos The Clash: Tommy Gun. Esta canción seguro que vos sona á maior parte de vós, que por certo, tamén foi versionada polo grupo galego Ruxe Ruxe, e non a conseguín atopar. Bueno, deixovos escoitando a canción orixinal mentres ando a cocer outro post de referencias culturais. Un saúdo.

PD: Nun par de días, o 2 de febreiro, cúmplense 31 anso da morte de Sid, e non consigo quitarme da cabeza aquel anuncio das Dr. Martens:

Procrastinando

Pois dado que hoxe é un día no que debería traballar intensamente, como bo usuario de internet que son, ando a procrastinar.  O caso é que buscando unha foto para facer un cartel sobre seguridade nas obras, lembreime desa famosa foto duns obreiros sentados nunha viga. E a partir de aí descubrín que a foto pertence a Lewis Hine, un fotógrafo de princípios do século XX que se dedicou a fotografiar as clases menos favorecidas.

A foto do cartel, Icarus [1930]:

O cartel paso de ensinalo, porque me parece ridículo e simplón. Pero deixovos outras imaxes de Hine que reflexan as condicións de traballo ás que estaban sometidos son:

Putting a steel gilder. Agosto de 1930.

Steam fitter. 1920.

Child Labor. 1910.

E aquí, máis fotos da construcción do Empire State Building.