Feeds:
Artigos
Comentarios

Archive for the ‘reflexion’ Category

Coñecemento II

Hoxe leo no blog de Enrique Dans un artigo no que explica modo en que este fai os exames ao seus alumnos.

Para facer os exames, os alumnos precisan un portátil, que practicamente o total dos alumnos ten. Para eses alumnos “descolgados” pide un par de ordenadores ao departamento para facer o exame. Para as diferentes técnicas de formular o exame, preséntase só unha para contestalo: ter acceso a internet para buscar e empregar a información que precisen.  E ademais, en algúns exames déixalles empregar g-talks ou similares (se queredes saber máis detalles, lede o artigo), isto creo que é positivo.

Puf, é que digo eu, isto da vida académica non é unha “preparación” para a vida laboral? Pois despois na vida laboral terei acceso a todas esas normativas que me fixeron chapar e das que nunca máis me lembrarei. Deberíamos deixarnos de tanto exame teórico, e máis práctico.

Por certo, que non creo que esta metodoloxía sexa aplicable a todas as signaturas, pero si debería estar aplicada naquelas nas que teño que usar normativas. Penso que en Cálculo, Álxebra ou Xeometría descritiva, non sería de demasiada utilidade.

Sinto estar tan delicado con este tema… pero como comprenderedes estou en época de exames e un está extresado de carallo.

Vou seguir cas miñas integrales diferenciales….

Advertisements

Read Full Post »

Coñecemento

Hoxe ao xantar estaba facendo zappin, e nunha canle (non lembro en cal) dixeron algo así:

O coñecemento é poder. Pero é máis útil ter ese coñecemento ou saber onde atopalo?

Home, eu penso que a resposta está máis que evidente. E preguntaredes porque estou tan sensible con este tema? Porque levo toda a mañá chapando unha normativa para un exame tipo test, onde as preguntas serían do tipo seguinte:

Cales son as distancias que deberán cumprir unhas rexillas de ventilación?

d) Ningunha das anteriores.

a) Menos de 100mm ao teito e máis de 100mm a calquera esquina.

b) Máis de 100mm ao teito e menos de 100mm a calquera esquina.

c) Máis de 100mm ao teito e máis de 100mm a calquera esquina.

A resposta é a a. Pero non o creo relevante. O relevante é que isto está nas primeiras páxinas do CTE HS.  E é unha normativa, que o día de mañá -cando traballe- terei accesible en todo momento. É absurdo que me obriguen a aprenderme unha recua de datos sen sentido. O ideal sería que me plantexasen casos prácticos que debera de resolver ca normativa nas mans, como na vida real. E despois en base a machacar ir aprendéndoas co paso do tempo, igual que me sei moitas outras cousas de memoria (pi=3,14159….). E como non da tempo a que nos aprendamos toda a normativa no curso, só nos mandan aprender (fixádevos en que digo “mandar aprender” e non “explicar”, porque non, non explica!) unha pequena parte, e como non nos ensinaron a interpretala, chegaremos a unha obra e non saberemos interpretala ben, e poderemos ter serios problemas (vía xudicial ou penal). Pero se ela cre que isto é útil, alá ela, porque sinto informala que pese a ter o primeiro parcial aprobado, só me lembro das medidas das zanxas debido a que por esta pregunta case suspenso (unha mal, resta unha ben… e eu andaba na corda frouxa).

Menos mal que é unha “profe progre” que se quere adaptar ao plan Boloña…. unha parte xa a fai: a de non explicar.

Read Full Post »