Feeds:
Artigos
Comentarios

Archive for the ‘personal’ Category

Orixes

Hoxe recibín unha presentación a favor do uso do galego na que daban a entender que Vázquez era un apelido galego, e a curisidade e a dúbida levaronme a preguntarlle a LuZiNhA se iso era certo, aquí queda o que me contestou:

Vázquez rexístrase en textos galegos desde o s. XIV (en textos notariais, polo que é o apelido de persoas reais, non de personaxes literarias nin nada polo estilo). Ademais é un apelido moi frecuente en textos medievais.

Por outra parte, o s. XIV é unha data tardía no que á cronoloxía medieval se refire, si, pero hai que ter en conta que Vázquez é un patronímico, é dicir, significa fillo de Vasco, e Vasco xa se rexistra desde o s. XIII. Agora ben, o étimo de Vasco parece ser (gens) vasconu(m), a denominación que os romanos lles deron aos poboadores de Euskadi (probablemente baseada noutra máis antiga), que daría lugar a unha forma vascón e, posteriormente, a vasco. Con todo, aínda que se trate do xentilicio de Euskadi, isto non lle quita galeguidade ao apelido, xa que non deixa de ter unha historia moi longa no territorio galego.

En canto ao paso de Vasques a Vázquez, no que se refire á terminación -ez é simplemente a desaparición do seseo, totalmente regular. O caso de Vas- parece diferente, xa que o étimo vasconu(m) non xustifica a aparición da interdental (do z, para entendérmonos), polo que seguramente se trate dunha hipercorrección a partir da desaparición do seseo, igual cá que se dá no apelido Reices, que é unha das formas de realizar o plural de rei e tería que ser regularmente Reises, con ou sen seseo.

Vamos, que non hai que dubidar da galeguidade de Vázquez, que aínda que reflicta un remoto pasado vasco leva aquí xa moito tempo…

Graciñas Luz 😀

Advertisements

Read Full Post »

Mallando

Hoxe quería presentarvos un novo proxecto común a tres blogueiros. Un deles son eu e outros dous son blogueiros próximos a min: Iago e Luisinho.

Imos pretender crear un blog sobre o que nos gusta, pero con contidos técnicos, é dicir, para temas persoais e de entretemento seguirei gardando este blog, ao cal teño ganas de darlle caña, aínda que ultimamente está bastante complicado.

Asique se vos interesa pasade por mallando.com ou pola páxina de twitter, onde lincaremos entradas externas que tratan temas relacionados co noso.

E xa sabedes, se vos gusta compartide e comentade 🙂

Read Full Post »

Queridos lectores

Desculpade o maltrato que leva a cabo un servidor con este blogue.  Pero agora, en plenos exames de decembro, non dou máis de min. Pero tranquilos, que como un Fenix este blogue rexurdirá das súas cinzas con máis forza ca nunca. E se non é este blog, algo farei, pero un non deixa internet así polas boas. Ándase a cocer algo pola onda 🙂

Podedes seguirme no meu perfil de twitter: twitter.com/vitorpalas 🙂 E podedes folowearme que tampouco está de máis.

Read Full Post »

Do It Yourself

Ese é o concepto: Faino ti mesmo! Descobre, experimenta, crea, e incluso, se é preciso, destrúe para volver a facer!

Adoro esa actitude! Supoño que foi o que me levou a ser “enxeñeiro”. Por unha rama un tanto especializada, pero con certa base común co resto das enxeñerías. Esa actitude que me fixo quedarme con certas cousas que me serviron para saciar a miña curiosidade, ou con outras que vía como se aplicaban noutros campos -moitas delas con gran utilidade-. Como exemplo disto, teño resolta unha dúbida que gardaba dende a infancia gracias a instalacións (que curiosamente coincidiu co posteo desa entrada), tamén entendo certos conceptos dos que usa Bear Grylls en “El último superviviente” (o programa de Cuatro onde soltan un paisano cun coitelo no medio da nada e ten que volver por si mesmo para casa) para orientarse gracias á topografía. Vamos, que meus pais non están a tirar os cartos cos meus estudos.

Encántame iso de facer un mesmo as súas cousas, ultimamente estou moi atraido por temas relacionados cas enerxías renovables, como este calentador solar (eu quero probar a facer un similar para a auga, ca idea orixinal de meu pai), ou este aeroxenerador, todas elas “made in na casa”. Xa fai anos, meu pai fixera unha panémona (un muíño de vento de eixe vertical) que usaba para sacar auga dun pozo e despois regar a horta e o invernadoiro, e tras un forte vendaval rompeu, e agora anda a medio facer un, pero esta vez de eixe horizontal (como os do oeste).

Hoxe, se estás interesado, tes infinidade de recursos que podes utilizar en internet. Para empezar bastaría con buscar en Google, pero se queres ir a algo máis concreto terías Instructables.Kit Car

Pero, porque me deu por falar disto agora? Pois porque veu Mark Frauenfelder a Asturies esta pasada fin de semana para dar unha conferencia precisamente sobre este tema no FIMP 2009. E tras ler os comentarios de Wicho e de Maikelnai, e máis a entrevista do ABC, quedei con máis ganas aínda de “facer”. E se a todo isto lle sumamos que estes días tamén cheguei aos Kit Car e certa posibilidade para homologalos, retomei ese soño de infancia que a moitos nos engaiolou, ese de facer un buggy. Que de momento se vai conformar nunha carrilana….

PD: Xa sei que é máis práctico un sen carné deses ca isto, pero onde está a satisfacción de poder dicir que o fixeches ti mesmo?

Read Full Post »

Alguén estuda por min

Miña Avoa: “E logo que tal os exames?”

Eu: “Ben, de momento ben”

Avoa: “Aii… iso foi gracias ao que eu recei”

Si, había ser iso.

Read Full Post »

O meu pequechiño

Pois por motivo dunha recua de acontecementos propios do azar, chegou ao longo desta semana un portátil ás miñas mans. En concreto un Sony Vaio VGN-FS515B, un portátil duns dous anos que ven para quedarse. O portátil ten un pequeno fallo no teclado (fallan algunhas teclas) que teño que mirar de arranxar (a ver aínda como fago), pero xa vos estou escribindo a través del mediante un teclado acoplado vía USB.

Pantallazo Vaio 090516

Aquí tedes unha captura de pantalla, fermosa, non si? Aínda non me esmerei gran cousa porque se o levo a arranxar prefiro que vaia virxe por se a algún informático cotilla lle da por fisgonear. De todas formas quero cambiarlle o tema de iconos, pero teño o que quero na Coruña.

Read Full Post »

Usuario de Tuenti

Definición de usuario de tuenti: panda de narcisistas cegatos que se adican a subir fotos propias posando mentres se miran no espello.

Que estou ata os collóns de ver a mesma foto en cor, b&n e sepia. E iso que non entro en demasiados perfís, pero bástame con ver a páxina de inicio.Tuenti

E diredes vos: “Por que non os desagregas?”. Porque tampouco é plan ser máis anti-social do que xa por definición son.

PD: As cámaras hoxe por hoxe tran un temporizador para disparar, usádeo en vez de mostrarvos a vos mesmos disparando contra o espello!

Read Full Post »

Older Posts »