Are you ready for the FAST LANE?

Fai un anaco, no blogue de Iago Varela vin uns videos que xa vira hai tempo, pero que me recordan que cun pouco de enxeño non é tan complicado facer un xogo das cousas máis monótonas e aburridas, ben sexa facendo unhas escaleiras-piano musicais, un cubo da basura cun fondo moi moi fondo, unha alfombra scratch ou un colector de vidro arcade.

Todos estes videos (e a sensación que producen) volveron a min cunha entrada máis recente de Pixel y Dixel, unha campaña publicitaria de Volkswagen na que che preguntan se estás preparado para facer as cousas un chisco máis rápido. Para esto fan unhas pequenas modificacións nun carriño da compra:

Un ascensor pouco menos que a reacción:

Ou un pequeno tobogán sobre unhas escaleiras de metro :).

Teño claro, que algún día farei un hack dun carriño da compra, ben sexa un como o da entrada, unha barbacoa, un motorizado ou algún dos que aparece por instructables.

Advertisement

Read Full Post »

Versións

Non podo evitar colgalas, pero tampouco sei que contar delas:

Bruce Springsteen & E Street Band – London Calling (The Clash)

Dropkick Murphys – Baba O’Riley (The Who)

Estes últimos estarán no BBK Live 2010 😀 xunto con Rammstein, Slayer, Pearl Jam… entre outros 😀

Read Full Post »

Referencias culturais (I)

Levo un par de semanas escoitando dúas das bandas de Punk máis representativas dos anos 70: Sex Pistols e The clash. Hoxe lendo a historia de amor entre Sid Vicious e Nancy Spungen entereime de que lles facían unha referencia nos Simpson (capítulo 19×12).

O capítulo é un especial de san valentín, onde contan tres historias “versionadas” por eles, na primeira contan a de Bonnie e Clyde, na segunda a da Dama e o Vagabundo e na terceira a de Sid Vicious e Nancy Sopungen. O caso é que se xa na terceira historia fan referencia ao Punk dos 70, foi unha escena da primeira historia a que me fixo escribir este post:

A “Tommy’s Guns” é a armería que está a atracar Homer, cuxo nome casualmente case coincide co título dunha canción dos The Clash: Tommy Gun. Esta canción seguro que vos sona á maior parte de vós, que por certo, tamén foi versionada polo grupo galego Ruxe Ruxe, e non a conseguín atopar. Bueno, deixovos escoitando a canción orixinal mentres ando a cocer outro post de referencias culturais. Un saúdo.

PD: Nun par de días, o 2 de febreiro, cúmplense 31 anso da morte de Sid, e non consigo quitarme da cabeza aquel anuncio das Dr. Martens:

Read Full Post »

Heredeiros

Fai tempo que falei das marabillas do Spotify, pero un dos grandes fallos era que non tiña música dos Heredeiros da Crus.

Pois xa está solucionado :D.

Vínculos ao Spotify, se non vos abre copiade a dirección que vos enlaza e buscadea, ou simplemente buscade Heredeiros da Crus.

¡¡¡Está que te cajas!!! (2005)

All right Chicago (2000)

A cuadrilla de Pepa Loba (1998)

Des minutos (1997)

Criatura (1997)

Un dos mellores directos dos que tiven o pracer de disfrutar 😀

Versionando ao incombustible Joe Coker – You Can Leave Your Hat On.

Read Full Post »

Asignatura pendente

Se hai algo que lle teña que agradecer a Internet é o acceso á cultura de forma instantánea (ou case). Isto significa que se quero aprender sobres as ratas topo desnudas, sobre materiais na aeronautica, ou a influenza da resonancia nas estructuras (autobombo!!) podo chegar á información cunha simple búsqueda. Pero hai duas materias pendentes, non sei se foi por non saber buscar ben ou por falta de ímpeto, ou simplemente nn ter coñecementos básicos e non saber nin por onde empezar.

A primeira é a programación informática, considero que pode chegar a ser moi útil, mais non sei nin por onde empezar.

E a segunda é a música clásica, gustaríame aprender sobre música clásica, pero penso que tamén me pasa un chisco do mesmo. Para abrir boca conseguín que me fixeran unha lista de reproducción para o Spotify e tamén me pasaron unha lista dos 15 mellores compositores según Listverse (todo esto vía Deleznable). Pero o que quizais máis me gustou foi unha canle de youtube á que non me lembro como cheguei onde o autor sube videos onde podemos visualizar as cancións mentres as escoitamos:

Canle de Smalin.

Read Full Post »

Desafío no Morro

[Video en Youtube]

Un descenso extremo en bicicleta polas estreitas, sinuosas e claustrofóbicas rúas de Río de Janeiro. Patrocinado, como non, por Red Bull.

E mentres vexo o vídeo non deixa de soar na miña cabeza o Rap das Armas, pero a versión que aparece na película Tropa de Élite, non esa pachangueira que se puxo agora de moda.

O meu Brasil é um país tropical
A terra do funk, a terra do carnaval
O meu Rio de Janeiro é um cartão postal
Mas eu vou falar de um problem nacional

Sinto que o vídeo da canción sexa tan chungo, pero é a versión da canción que máis me gusta. E penso que se tes ganas dun drama de acción un chisco distinto, deberías ver a película. Non chega a ser Cidade de Deus, pero está bastante ben.

Read Full Post »

No more, no more…

Onte vin a película de Ray, onde Jamie Foxx interpreta ao coñecido Ray Charles. A película é bastante entretida, aínda que precisaredes algo de tempo para vela, xa que dura dúas horas e media. Bastante recomendable. Pero eu quédome co “No more, no more, no more….”

Read Full Post »

Acuerio

Estaba eu xogando cas listas de reprodución do Spotify, cando me atopei co seguinte, Raphael – Aquarius:

Ao lado desta, as versións de Ken Lee e a do Principe Gitano quédanse curtas. Vale, igual esaxero.

A orixinal: Hair – Aquarius.

A mítica: Fifth Dimension – Aquarious / Let the sun shine in.

Read Full Post »

Touche di-Sindo

Entrevista a Ángeles González-Sindo:

También consideró que los fabricantes han generado un movimiento para “convencer a los internautas y a los ciudadanos de que son ellos los que tienen que pagar el impuesto” cuando el canon “debe pagarlo los que fabrican aparatos”. Seamos todos sinceros, ¿para qué necesitamos todos una línea de ADSL de no sé cuanto gigas? ¿Para mandar e-mails? Telefónica sabe que el 80 por ciento del volumen de tráfico en sus líneas es descarga de archivos.

Si señora!! Aquí pagamos o ancho de banda por gigas desas. Pois non! Contrátase por Mb/s.

Este non era o caso, o caso é que seica penso que son eu quen paga o canon.

Vamos a ver,  un produto costa X fabricalo, a ese valor aplícaselle un beneficio para o fabricante, xa que debe comer. Se a isto lle aplicamos un canon, o produto costa “X+beneficio+canon” e como quen paga é o consumidor… a quen lle repercute é a este, porque está claro que o fabricante ten que comer, igual axusta algo o prezo, pero… dificilmente compensa o canon. Como conclusión diremos que quen paga o canon é o consumidor.

Este canon estouno pagando polo ADSL que uso para escribirvos este artigo. Pagueino polo último CD que gravei, que se non lembro mal era unha copia do instalador de Ubuntu, e o anterior eran as fotos que me pasaron das festas do entroido (si, lévame tempo poñerme a gravar), pagueino polo Pen Drive que uso para transportar os arquivos que preciso na vida académica que creo mediante programas totalmente legais. Estoulle dando cartos á SGAE por algo que non lles vai nin lles ven, nin de cerca nin de lonxe!

E xa que o canon é unha compensatoria pola piratería, e a estou pagando, por este motivo, que menos que poder descargar algunha que outra cousa para ter algo que compensar, non?

Para finalizar, na entrevista-artigo onde atopei o texto citado, teñen unha enquisa onde preguntan: Para que usas a banda ancha?

• Para descargar música e películas
• Para navegar
• Para xogar na rede
• Para utilizar redes sociais
• Outros

Pois vamos a ver, eu emprégoa para escoitar música a través do Spotify e ver vídeos a través de Youtube ou similares, navegar en varias páxinas, algún vicio on-line téñoo botado, redes sociais tamén, leo o correo, escribo no meu blog, etc. Vamos, que creo que fago un chisco de todo e máis. E para todo isto preciso un ancho de banda considerable posto que senón relentizaríanse todas e cada unha das tarefas que acabo de enumerar. Todas elas legais, e polas que non teño motivos para pagar canon.

Que teño que facer para que me deixen de cobrar por algo sobre o que non teñen dereito?

PD: Se chegastes aquí, pasade por SINDEscargas.net e lede o exercicio de cálculo mental rápido que aparece ao final.

Read Full Post »

Spotify

Levaba unha tempada escoitando música a través de Spotify. O programa está caralludo, e como ben dixo Carlos, a proba de lume está en que se buscas “Juan Pardo” aparecen máis de 20 resultados:

Pero onde está o fallo? En que algúns grupos decidiron desapuntarse. Mirade o que pon no FAQ – Spotify:

Unfortunately some artists have opted not to be added to Spotify at this time, some frequently requested artists that are not in Spotify include Metallica, The Beatles, Pink Floyd, ACDC and Led Zeppelin, etc.

O día que resolvan iso, e fagan un versión que corra en Linux…. xa será a hostia!

PD: Se queredes probar o programa podedes rexistrarvos aquí. Doutra maneira precisariades dunha invitación para rexistrarvos.

Read Full Post »